АУЫЛДАҒЫ ЖАҢАШЫЛ ҰЖЫМ

Үздік нәтижелерге қол жеткізген ұжымның тынымсыз еңбегі лайықты бағасын алып, «Ұлттық бизнес орталығы» тәуелсіз сараптама ұйымының жоғары марапатын иеленді. Білгеніміздей, аталған республикалық орталыққа еліміз бойынша 100-ге тарта колледждің жұмыстары жайында ақпараттар жолданған. Жан-жақты жүргізілген сараптаулардың нәтижесінде жоғарыда аталған Индер ауданындағы көп бейінді ауыл шаруашылығы колледжі директорының оқу ісі жөніндегі орынбасары Сәния Байқадамова «Үздік ұйымдастырушы», бас есепші Сара Үдірова «Үздік есепші-аудит», оқытушы Қайырғали Таудаев «Шебер маман», оқу орнының басшысы Бағытжан Құнас «Үздік жетекші» атанған. Ал, колледж «Жаңашыл білім ордасы» номинациясында жеңімпаз танылған.