Атыраулық спортшы Азия чемпионы атанды

Атыраулық спортшы Азия чемпионы атанды, деп хабарлайды Атырау облыстық дене шынықтыру және спорт басқармасының баспасөз қызметі.

13-14 шілде аралығында Ақтау қаласында Джиу-джитсу спортынан ересектер арасындағы 3-ші Азия чемпионаты өткен болатын. Айтулы жарысқа 20-елден 400-ге жуық спортшы қатысты.

Атыраулық спортшылар 1 алтын, 2 күміс және 4 қола медальға ие болды. Азия чемпионы атанғына Джиу-джитсудың файтинг түрі бойынша сынға түскен Нұрлыбаев Жеңіс қол жеткізді. Сондай-ақ, бұл спортшы жастар арасындағы әлем чемпионатының қола жүлдегері.