АЛТЫН КҮЗ АЙШЫҚТАРЫ

Осы мақсаттағы шара биыл қаладағы Ы.Алтынсарин атындағы №11 орта мектеп базасында «Күз — береке, күз — мереке» деп аталған сайыс түрінде өтіп, оған қаладағы мектептердің белсенді, өнерлі оқушылары қатысып, шығармашылықтарын ортаға салды. Шара талаптары «Таныстыру», «Күз кереметтері» тақырыбындағы көрме, «Біздің бақ» шығармашылық сайыс, «Күз белгілері» аталымымен өлең оқу немесе ән айту, «Күзгі сән шеруі» костюмдер конкурсы, «Күзгі дастархан» көкөністерді пайдалана отырып, салат әзірлеу секілді кезеңдерден тұрды. Әр үйірме мүшелері өнерлері бір-бірінен асып түсті.
Сайыс соңында А.Құнанбаев атындағы орта мектебіндегі «Гүл шаруашылығы» үйірмесінің оқушылары «Күз белгілері», «Күзгі дастархан» бөлімдері бойынша ІІІ орындарды иеленді. Ал, Ю.Гагарин атындағы №4 орта мектебіндегі «Гүл шаруашылығы» үйірмесінің оқушылары «Күз кереметтері», «Күз белгілері» бөлімдері бойынша ІІ орынды иеленсе, «Күзгі дастархан» бөлімінде І орынға ие болды. Сонымен қатар, Жас натуралистер стансасындағы «Табиғат және фантазия», «Орнитология», «Дәрілік өсімдіктер» үйірмелері І, ІІ, ІІІ орындарға ие болды. Бұл шара арқылы жүзге тарта оқушы шығармашылық жұмыстарын көпшілікке таныта алды.

Нұргүл НАСЫР.