Әйелдер көшбасшылығын дамыту қажет

Атырауда облыс әкімінің орынбасары Дарын Шамұратовтың қатысуымен өткен жиында гендерлік теңдікті нығайту мәселесі сөз болды. БҰҰ-ның 1 325 қарары шеңберінде әйелдердің көшбасшылығын өркендетуге аса мән беру керектігі де айтылды.

Іс-шара ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен өтті.
Бүгінгі іс-шара Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссия төрағасының орынбасары Елена Ивановна мен Гендерлік мәселелер жөніндегі ұлттық сарапшы, «Отбасылық табысты орталығы» қоғамдық қорының директоры Роза Мұхамедиярқызы арнайы келді.
– Әйелдер істері және отбасылық демографиялық саясат жөніндегі ұлттық комиссия өңірлерде үш жылдан бері өткізіліп келеді. Осыған дейін Солтүстік Қазақстан, Жамбыл обылстарында ұйымдастырылды. Ал бүгінде Атырау облысында жалғасын тауып жатыр, — дейді гендерлік саясат жөніндегі ұлттық сарапшы Роза Бекішева.
Айта кетейік, аталмыш іс-шараға Атырау облысының әскери қызметкерлер қатарынан, құқық қорғау органдарының және бітімгершілік құрылымдарының қызметкер әйелдері мен облыстық және өңірлік комиссия мүшелері де қатысты.
Тоғжан ЕРМЕК