САЛАУАТТЫЛЫҚ – ӨМІР САЛТЫМЫЗ

Безендіру конкурсында «Мектеп» бөлімі үздік деп танылды. «Мен салауатты өмірді таңдаймын» атты акция барысында студенттер «нашақорлыққа, темекі, алкогольге, ЖҚТБ-ға қарсы күреске атсалысу керек» деген ұрандар жазылған плакаттар дайындап алып шығып, салауаттылықты қолдайтындарын жеткізді.
«Біз жасампаз жастармыз» атты студент қатарына қабылдау кешіне облыстағы жастар ұйымдарының жетекшілері де қатысты. Жастар өнерлерін ортаға салды. Шараны қорытындылаған колледждің тәрбие ісі жөніндегі орынбасары Мақсат Кемалқызы студенттерге оқуда сәттілік тілеп, жыл сайын дәстүрлі түрде осындай шығармашылық апталығы өткізіліп тұратындығын айтты.

Айбибі БИСЕМБИЕВА,
Қ.Дүтбаева атындағы Атырау гуманитарлық колледжінің
студенттік кәсіподақ
ұйымының төрайымы.