Жарнама
Мәдениет

Ұлттық домбыра күні кең көлемде аталып өтті

Атырауда Ұлттық домбыра күніне арналған мерекелік кеш жоғары деңгейде өтті. Сұлтан Бейбарыс алаңында өткен мерекелік концертке халық көп жиналып, ұлттық өнерге деген құрметін көрсетті.

3f839eff 3110 43d2 91aa 31349e5d474c 1

Сахнада Дина Нұрпейісова атындағы академиялық қазақ халық аспаптар оркестрі мен Қаршыға Ахмедияров атындағы «Нарын» оркестрі өнер көрсетті. Сонымен қатар «Даму бала» мемлекеттік бағдарламасы арқылы домбыра үйірмесіне қатысатын бес мыңға жуық бала күй орындап, «Меруерт» пен «Айгерім» би ансамбльдері ұлттық кештің көркін ашты.

6d66e8a5 e5ec 4ae4 bdeb 16d89ccabe96

Мерекелік кеш балалардың «Нар ағашы» күйін орындауымен басталып, кейін бас дирижёр Болат Долдашовтың жетекшілігімен және қос оркестрдің сүйемелдеуімен «Балбырауын» күйі орындалды. Одан кейін сахнада республикалық байқаулардың лауреаттары Бақытбек Сәрсенов, Берік Амантай, Жасұлан Базарбаев, Болатбек Құбашев дәстүрлі ән өнерін орындап, халықтың ыстық ықыласына бөленді.

d8cf1d9d 69e9 4583 a6a2 b6f4ba87e5eb

Нұрғиса Тілендиевтің «Ата толғауы» күйін оркестр мен халықаралық конкурстар лауреаты «Інжу-Маржан» би ансамблі бірлесе орындап, көрермендерге рухани қуат сыйлады. Би ансамблінің жетекшісі – Мәдениет саласының үздігі Гүлвира Тұрақбаева, ал оркестрге Мәдениет саласының үздігі Сая Жұмашева дирижерлік етті.

bce62b5e dff7 4093 ae82 02f8ed04e264

Кештің құрметті қонақтары болып республикаға белгілі өнер жұлдыздары «Алашұлы» тобы сахнаға көтеріліп, «Батырлар», «Сайгүлік», «Махамбет», «Киелі мекен», «Жүрегім қазақ», «Пай пай», «Тұраным», «Атамекен» әндерін орындады.

6b4a9e6a b3e4 4525 8d73 e5d7f787d94f

Атырау облысы әкімінің орынбасары Дарын Шамұратов жиналған халықты мерекемен құттықтап, домбыраның қазақ рухының айнасы екенін атап өтті:
-Қазақтың күй өнері – халқымыздың жан сыры, рухани азығы, тарихы мен тұрмысын музыка тілімен сөйлететін құндылық. Домбыра үні барда қазақ өнері жасай береді, – деді ол.

2b560b41 b1a5 4464 8b4c 309f93e33cec

Концерттің соңында жүргізушілер домбыраның ұлт рухын көтеретін киелі аспап екенін атап өтіп, халқымыздың бірлігі мен берекесі артып, ел амандығы мен өнеріміздің өрісі кеңейе беруіне тілектестік білдірді.

Тоғжан ЕРМЕК

Суреттерді түсірген Әнуар ӘБІЛҒАЗИЕВ

Related Articles

Добавить комментарий

Ваш адрес email не будет опубликован. Обязательные поля помечены *

Back to top button