Құлсарыда тасқын кезінде бүлінген жолдар қалпына келтірілуде

Жылыой ауданы тұрғын үй коммуналдық шаруашылығы, жолаушылар көлігі және автомобильдер жолдары бөлімі басшысының міндетін атқарушы Бекет Бозжігітовтің айтуынша,
қазір аудан орталығындағы «Автожолшылар-2» шағынауданындағы көшелерден бастап қалпына келтіру жұмыстары жүргізілуде. Бұл туралы облыстық төтенше жағдай жөніндегі жедел штабы хабарлады.

-Бүгінде орталық ауруханаға кірме жол, тасқын судан бүлінген Қожанов көшесін қалпына келтіру жұмыстары басталды. Мердігер мекеме – «Қазком сервис» ЖШС. Қала бойынша су шайған жолдарды қалпына келтіру  жұмыстарын күз мезгіліне дейін толық аяқтау жоспарда, – деді спикер.