Ғимараттар қысқа дайын

Ауданда 15 орта мектеп, мектептен тыс 4 мекеме, 11 балабақша, 12 денсаулық сақтау нысаны, 10 мәдениет мекемесі, балалар мен жасөспірімдерге арналған 4 спорт мектебі, 10 бюджеттік мекеме және 11 су тазарту қондырғысы қысқы кезеңге әзір. Индербор кентіндегі көп қабатты 18 үйге орталықтандырылған 8 қазандық арқылы жылу беріледі.

Дайындық аясында жоспарланған 42 іс-шараның 35-і толық жүзеге асты. Қалғаны мемлекеттік сатып алу порталында жарияланған.

– Ауылдық округтерде су тазарту қондырғылары мен жылу қазандықтары, трансформаторлар мен насостар орнатылып, жөндеу жұмыстары жүргізілді. Көп қабатты үйлердің жылу ғимараттары мен әлеуметтік нысандардың жылыту жүйелері жаңартылды, — деді аудандық ТҮКШ, жолаушылар көлігі, автомобиль жолдары және тұрғын үй инспекциясы бөлімінің басшысы Шапағат Ғаббасов.

А.ШОҚАН

Индер ауданы