Бүгін Атыраудағы гидропостта су деңгейінің 20 сантиметрге көбейгені байқалды. Бұл туралы «Қазгидромет» мекемесінің облыстық филиалы мәлімдеді.
Гидрологиялық мониторинг бойынша Индерборда – 44 см, Махамбетте – 62 см, ал Атырауда 20 сантиметрге көтеріліпті. Айтпақшы, Иректі су қоймасынан ағызылған су қарқыны әзірге тұрақты, бұл көрсеткіш секундына 1670 текше метрді құрайды.
Еске салайық, «Росгидрометтің» болжамына сәйкес, Жайық өзені қауіпті саналатын 550 сантиметрлік деңгейге көтерілуі мүмкін.
Малика ТӘКЕЖАНОВА
