Тазалық акциясы жыл бойы жалғасады

Атырау қаласында «Таза Қазақстан» республикалық экологиялық акциясы аясында кең ауқымда сенбілік өтіп жатыр.

Тұрғындар арасында экологиялық үгіт насихат жұмыстарын жүргізіп, жас буынды табиғатты қорғауға үндейтін іс-шара қаладағы «Химпоселок», «Бірлік» шағынаудандары мен Құттығай батыр, Исатай Тайманов даңғылы маңында ұйымдастырылды. Аталған аумақтардың арнайы белгіленген жерлері қоқыстардан тазартылды.

Облыс орталығындағы тазалық іс-шарасына мемлекеттік мекемелер мен кәсіпорындардың 2 мыңға жуық өкілі қатысты.

Жиналған барлық қоқыстар «Арнайыавтобаза» ЖШС-нің қоқыс полигонына жіберілді.

«Таза Қазақстан» республикалық экологиялық акциясы жыл бойына әр апта сайын жалғасатын болады. 

Бұл іс-шаралар өңірдегі экологиялық жағдайды жақсартуға және тұрғындар арасында экологиялық мәдениет деңгейін арттыруға ықпал етеді. 

Алмас БАУЫРЖАНҰЛЫ