Жайық, Қиғаш және Жем өзендеріндегі су деңгейі бойынша Атырау облысының төтенше жағдай жөніндегі жедел штабынан алынған мәліметті қалың бұқараның назарына ұсынуды жөн көрдік.
Өткен тәулікте, яғни 5 сәуірде Жайық өзені – Индербор кентінің гидропостында БҚО тарапынан судың келуі есебінен өзен деңгейі 52 см-ге, Махамбет кентіндегі гидропосттағы өзен деңгейі 14 см-ге көтерілді. Ал Атырау қаласындағы Жайық өзенінің гидропостындағы су деңгейінде өзгеріс жоқ. Қиғаш – Шортанбай өзені су бекетіндегі тәулік ішіндегі өзен деңгейі 2 см-ге төмендеп, 204 см-ді құрады. Бұл ахуал Волгоград су қоймасынан ағызып жатқан су мөлшерінің азаюына байланысты қалыптасып отыр. Жем өзеніндегі су деңгейі төмендеді және гидрологиялық постқа жақындау мүмкіндігі пайда болды.
5 сәуірдегі жағдай бойынша Иректі су қоймасынан ағызып жатқан су мөлшері 2300 м3/с құрайды, 6 сәуірдегі жағдай бойынша – 2170 м3/с.
