Атырауда жылқылар жұмбақ жағдайда өліп жатыр…

Исатай, Құрманғазы және Махамбет аудандарында ауырған малдың саны 200-ден асып, 80-ге жуығы өлген. Осылайша бір айда бірнеше шаруа шығынға батқан…

Ветеринарлардың айтуынша, төрт түліктің неден қырылғаны әзірге белгісіз. Соңғы үш күнде ауру мал тіркелмеген және алғашқы сынамалардың нәтижесі бойынша жылқылардан жұқпалы ауру табылмаған.

«Күдік бойынша паразитарлық ауруларға сынамалар жолдадық. Оның ішінде Алматы қаласындағы Қазақ ғылыми институты мен биологиялық қауіпсіздік мәселелері жөніндегі институт, қосымша облыстық зертхана, ұлттық реферондтық орталық мамандары сынама алды. Нәтижесін күтіп отырмыз» дейді облыстық ауыл шаруашылығы басқармасы басшысының орынбасары Азамат Айтқалиев.