Атырауда гидрологиялық бекет салынады

Ауа райы болжамдары мен гидрологиялық деректердің дәлдігін қамтамасыз ету үшін қосымша 114 метеорологиялық станция, 167 агрометеорологиялық бекет, 139 гидрологиялық бекет және 143 экологиялық бекет ашу қажет, деп хабарлайды ATYRAUPRESS,  ҚР премьер-Министрінің баспасөз қызметіне сілтеме жасап. 

Осыған байланысты экология министрлігі Қазақстанның Ұлттық гидрометеорологиялық қызметін дамытудың және жаңғыртудың 2025-2030 жылдарға арналған бағдарламасын әзірледі. Сондай-ақ, биыл «Қазақстан Республикасының Су ресурстарын басқару жүйесін дамытудың 2025-2030 жылдарға арналған тұжырымдамасы»шеңберінде ашу жоспарланып отырған гидрологиялық бекеттердің тізбесі қайта қаралды. 2030 жылға дейін елдің жазық аумағы өзендерінің су тасқыны қаупі бар учаскелерінде мониторингпен қамтылған 42 жаңа гидрологиялық бекет салу жоспарлануда. Бұл бекеттер Қостанай, Батыс Қазақстан, Ақтөбе, Атырау, Ақмола, Қарағанды облыстарында, Ұлытау өңірінде, сондай-ақ Қытай және Ресеймен трансшекаралық өзендерде орналасатын болады.