1000 құс ұясы – табиғатқа қамқорлықтың символы!

Қазақстанның табиғатты қорғау мекемелері 2025 жылға жоспарланған экологиялық акцияны іске асыруға кірісті. Жоба аясында елдің әртүрлі өңірлерінде 1000 құс ұясын орнату жоспарланған. Бұл туралы Қазақстан Республикасы Экология және табиғи ресурстар министрлігінің баспасөз қызметі хабарлады.

Бұл акция табиғатты қорғауға және биоалуантүрлілікті сақтауға бағытталған. Құстар үшін қолайлы жағдай жасай отырып, жоба ормандар мен парктердегі экожүйелерді нығайтуға ықпал етеді. Сонымен қатар бұл бастама экологиялық мәдениетті арттырып, жас ұрпақты табиғатқа ұқыпты қарауға шақырады.