«Өткен жылы Атырау облысының егін шаруашылығында жаңа технологиялар пайдаланылған алаңды ұлғайту, сүт-тауарлы фермалардың, ет-сүт бағытындағы мал шаруашылығы кешендерінің, құс фабрикаларының құрылысы есебінен ауыл шаруашылығында жалпы өнім көлемі 45,6 млрд. теңгені құрады. Мал шаруашылығы өндірісінің көлемі – 31,5, ал, егістік аумағы 13,7 млрд. теңге болды. Жыл ішінде 12,9 мың тонна балық ауланды.
Облыс тұрғындарын жергілікті өнімдермен қамтамасыз ету және ауыл шаруашылығы тауар өндірушілерін қолдау мақсатында «Атырау» әлеуметтік-кәсіпкерлік корпорациясы 16 жергілікті ауыл шаруашылығы тауар өндірушілерімен 201,6 млн. теңгеге екіжақты фьючерлік келісім жасады».