PFIZER ВАКЦИНАСЫНЫҢ АЛҒАШҚЫ ПАРТИЯСЫ ҚАЗАҚСТАНҒА ЖЕТКІЗІЛДІ

10 қарашада, Мемлекет басшысының тапсырмасы бойынша, ДДҰ мақұлдаған Covid-19-ға қарсы Pfizer вакцинасының алғашқы партиясы Қазақстанға жеткізілді.

Алдын ала келісім бойынша Comirnaty Pfizer/BioNTech вакцинасының 4 млн.дозасы сатып алынды. Бұл туралы Қазақстан Республикасы денсаулық сақтау министрлігінің ресми парақшасында жазылды. 

Comirnaty-американдық Pfizer компаниясы мен германияның BioNTech технологиялық компаниясы шығарған РНҚ-ға негізделген матрицалық вакцинаның (мРНҚ) сауда атауы. 

Вакцинация курсы 21-28 күн аралығымен енгізілетін екі дозадан тұрады. Жеткізілген дозалар ҚР халқын жаппай вакцинациялауды аяқтауға мүмкіндік береді. Бұл — Қазақстанда тіркелген алтыншы вакцина.

Бірыңғай дистрибьюторлар келіп түскен вакцинаны ҚР ДСМ СЭБК-нің бөлінісіне сәйкес, жедел тәртіппен еліміздің өңірлеріне жеткізбек.

 Алдағы күндері коронавирустық инфекцияға қарсы екпе ел азаматтары үшін қол жетімді болады.

Вакцинаны сақтау нұсқаулығына сай арнайы шаралары жүргізілді. Өндіруші ұсынған суық тізбекке қойылатын талаптарға сәйкес, ультра төмен температура -60 -90 Со режимінде сақтауға арналған мұздатқыш жабдықтар сатып алынды.

Сондай-ақ, вакцинаны енгізу үшін қажетті шприцтер қоры да алынды. Вакцинацияның тиісті қызметкерлері вакцинамен дұрыс жұмыс істеуге және оны қолдануға үйретілді.

Comirnaty Pfizer/BioNTech вакцинасы ДДҰ-ға шұғыл қолдануға рұқсат етілген, вакцина АҚШ, Ұлыбритания, Канада және ЕО-да қолданылады. Клиникалық зерттеулердің нәтижелері бойынша оның тиімділігі 95 пайызды құрайды. Бұл  — АҚШ-та жедел қолдануға рұқсат етілген (Төтенше пайдалану авторизациясы, EUA аясында қолданыла бастаған) алғашқы вакцина.

Естеріңізге сала кетейік, Қазақстан аумағында халықты жаппай вакцинациялауда «QazVac», «Спутник V», «Hayat-Vax», «Коронавак», «Sinopharm» қолданылды.