ЭНЕРГЕТИКА САЛАСЫНА – БІЛІКТІ МАМАНДАР

Білім

 Әріптестерінің айтуынша, ол бұл мүмкіндікке қол жеткізуге тыңғылықты дайындалып, талпынған. Енді өзі қалаған Лондондағы белді оқу орнында сапалы білім алуға жол ашық.

– Ел Президенті Нұрсұлтан Назарбаевтың шешімімен жүзеге асқан «Болашақ» бағдарламасы жастар өмірінде үлкен рөл атқарады. Ол қазақстандық жастардың шетелдерде білім алуына, өз көкжиегін кеңейтуіне, алдыңғы қатарлы тәжірибені меңгеруіне жол ашады. Білімімді саралаған конкурстың барлық кезеңдерінен ойдағыдай өтіп шықтым. Кейіннен маған «Болашақ» халықаралық стипендиясының иегерлері қатарында енгендігім жөнінде хабарлама құттықтау хаты келді. Енді Ұлыбританиядағы Garry House Associates оқу орнында білім алмақшымын.

Саяси ғылымдар саласында ең үздік саналатын аталған оқу орнынан терең білім алып шығатыныма сенімім мол. Жастар әрқашан алға ұмтылулары керек. Ел мен Елбасы жастарға үлкен сенім артуда, өйткені, болашақтың іргесін қалайтын – қазіргі білімді жастар. Елбасының жастарға берген тапсырмаларын мүлтіксіз орындау – әрқайсымызға парыз. Ал, «Болашақ» бағдарламасы сол мақсатқа жетуге ұмтылған үздіктерге мол мүмкіндік жасайды, – дейді «Болашақ» бағдарламасының стипендиаты Бағытжан Қизатбайұлы Қалиев.

Айгүл ЕРТІЛЕУ. 

Пікір үстеу

Э-пошта мекенжайыңыз жарияланбайды. Міндетті өрістер * таңбаланған