Ауыл мектептерінде 3D модельдеу үйретілуде

Атырау облыстық білім беру бақармасының басшысы Ерлан Сламбеков пен «Shyraqedukation» қорының басшысы Данабек Әбілдаев ауыл мектептерінде заманауи білім беруге көшуге қатысты меморандумға​ қол қойды.

 Меморандумның басты мақсаты — ауыл және елді-мекен оқушыларының потенциалын арттыру.

Ендігі уақытта меморандум аясында оқушылар графикалық дизайн, 3D модельдеу, спорттық бағдарламалау, веб-сайт құрастыруды үйренетін болады.

Айта кету керек, бүгінде «Shyraqedukation» қоры қазір Атырау қаласындағы 7 мектепте, Исатай, Махамбет аудандарының 6 білім беру мекемесінде жұмыс істеуде.

Алтыншаш НӘСІПҚАЛИҚЫЗЫ