Атырауда 600 орындық мектеп құрылысы жүргізілуде

Ақжар ауылында 600 орындық орта мектептің құрылысы жүргізілуде. Үш қабатты білім ошағының құрылысы «Бекболатовтар Құрылыс компаниясы» мердігер мекемесімен 2020 жылы басталды.

Ғимараттың жалпы ауданы 8478,7 шаршы метрді құрайды. Нысанның аумағы қоршалған және негізгі ғимараттың орналасуы, дене шынықтыру-спорт, демалыс, оқу-тәжірибе, экономикалық аймақтарға бөлінген.

Қазіргі таңда білім ордасының ішкі және сыртқы қабырғалары қаланып, сыртқы инженерлік желілері жүргізіліп, жылу қазандығы орнатылуда.