Емханада тегін дәрі

COVID-19: Соңғы поштадан... Жаңалықтар

Atr.kz/10 тамыз, 2020 жыл. Енді COVID-19 жұқтырған қазақстандықтар тегін дәрі-дәрмекпен қамтамасыз етілмек. Барлық препараттарды азамат тіркелген жергілікті емханалардан алуға болады. Бұл туралы бүгін ҚР Денсаулық сақтау министрлігінің ресми өкілі Бағдат Қожахметов, Орталық коммуникациялар қызметінде өткен брифинг барысында мәлімдеді.

«Қазір 1 миллион адамға дәрі-дәрмектер жиынтығы жасақталып жатыр. Жиынтық құрамына 5 түрлі дәрі енгізілген. Бұл амбулаториялық ем қабылдайтын науқастарға тегін таратылады. Демек, коронавирустық инфекция белгілері пайда болса, әлбетте бірінші кезекте 103 телефоны арқылы, жедел-жәрдем көмегіне жүгінесіз. Егер ағзада вирус табылса, онда емханаға жолығу керек. Сол жерде сізге қажетті дәрі-дәрмектер тегін таратылады», деп атап өтті Б. Қожахметов.

Оның айтуынша, осы аптаның аяғына дейін елдегі әрбір емханаға парацетамол, Ибупрофен және Ривароксабан, Апиксабан, Дабигатран сынды антикоагулянттар жеткізілетін болады.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған