Атырауда кондуктор оқушыларды автобусқа мінгізбей қойған (ВИДЕО)

Жаңалықтар Шаһар шырайы Қоғам

Әлеуметтік желіде тараған видео атыраулықтар арасында қызу талқыға түсті. Кадрдан кондуктордың оқушыларды автобусқа кіргізбей тұрғаны көрінеді,-деп хабарлайды ҚазАқпарат.

Бір топ мектеп оқушысы аялдамаға келіп тоқтаған №30 автобусқа отырмақ болғанда кондуктор кішкентай қыздарды сыртқа итеріп тастайды. Балалар сосын басқа автобусқа қарай жүгіре жөнеледі. Оған үлгере алды ма, жоқ па – видеоға түспей қалған.

«Автобустың нөмірі белгісіз. Кондуктор және жүргізушімен сөйлесіп, ескерту беріледі. Ендігәрі осы жағдай қайталанатын болса, оларды бағдардан алып тастайды», – деді қалалық әкімдіктің баспасөз қызметіндегілер.

Айқара Ғұмар

Пікір үстеу

Э-пошта мекенжайыңыз жарияланбайды. Міндетті өрістер * таңбаланған