Мал шығыны есептеліп жатыр

​Атырау облысының Қызылқоға ауданында көктемгі су тасқыны салдарынан 133 мал басы шығынға ұшырады. Бұл туралы облыстық ауыл шаруашылығы басқармасы хабарлады.
​Қазіргі уақытта суға кеткен мал, құс өлекселерін іздестіру мен жинау жұмыстары жалғасуда. Табылған өлекселер арнайы орындарда жойылып жатыр.
​Сондай-ақ, ауданда шығынды есептеуге арналған комиссия құрылды. Су тасқынынан малы шығындалған тұрғындар мен шаруа қожалықтарынан өтемақыға өтінімдер қабылдануда. Малдың шығынын өтеуге байланысты қаражат көлемін есептеу жұмыстары жүргізілуде.

Алмас БАУЫРЖАНҰЛЫ