Атырауда Балықшылар күніне орай көрме-жәрмеңке өтті

Бейбарыс алаңында кәсіби мереке құрметіне жергілікті балық өнімдерінің және қолөнер бұйымдарының  көрме-жәрмеңкесі өтті.

     Жәрмеңкеге Атырау, Маңғыстау және Батыс Қазақстан облыстарынан барлығы жеті шаруашылық субъектісі қатысты. Олар 30-ға жуық түрлі балық өнімдерін, оның ішінде салқындатылған балық, балықтың жоны, сонымен бірге қақталған, тұздалған, ысталған және т.б. түрлерін ұсынды.

     Кешкісін балық шаруашылығы субъектілері қызметкерлерінің шеруі ұйымдастырылды. Шараға “Балық шаруашылығы ғылыми-өндірістік орталығы” ЖШС Атырау облыстық филиалының,  “Жайық-Атырау” бекіре балығын өсіру зауытының және балық шаруашылығы субъектілерінің қызметкерлері қатысып, өнер көрсетті.

Дәулетқали АРУЕВ,

Суреттерді түсірген Әнуар ӘБІЛҒАЗИЕВ