Атырауда 95 млрд. теңгеден асатын ауыл шаруашылығы өнімі өндірілді

Бұл көрсеткішті жыл соңына дейін 127 млрд. теңгеге жеткізу жоспарланып отыр, — деді өңір әкімі Серік Шәпкенов.

«Жалпы ауыл шаруашылығы саласында тұрақты даму байқалады. Қазіргі таңда 3 инвестициялық жоба іске асуда. Ал, келесі жылы құны 26 млрд. теңге болатын 4 жобаны іске асыру жоспарда бар. «Ауыл аманаты» жобасы да жүйелі іске асуда. Бюджеттен 761 млн. теңге қаралып, 83 жоба қолдау тапты. Олардың көбі мал шаруашылығына қатысты», — деді Атырау облысының әкімі ОКҚ баспасөз конференциясында.

Биыл «Бизнестің жол картасы-2025» бағдарламасы аясында биыл он айдың ішінде 41,6 млрд. теңге бөлініп, 1000 артық шағын және орта бизнес субъектісіне қолдау көрсетіліп, 500 астам жаңа жұмыс орны құрылды.

Сурет: eldala.kz