ТШО-дағы жарылысқа қатысты жайт белгілі болды (+ВИДЕО)

1 наурызда сағат 16.40-та Атырау облысы Жылыой ауданының Теңіз вахталық кентінің Құлсары қаласынан 90 км жерде «NASAR SOLUTIONS» ЖШС ашық аумағында ашық үлгідегі 20 жақын тұрған контейнерлерде, металл бөшкелерде және пластмасса ыдыстарда шамамен 2800 шаршы метр жалпы ауданда сұйық тез тұтанатын қалдықтар жанған.

Өрт салдарынан 1 жүк көтергіш (Car) отпен жойылды. Өрт сағат 19.46-да оқшауланып, сағат 20.30-да сөндірілді. Қаза болғандар мен зардап шеккендер жоқ. Өрттің шығу себебі анықталуда.
Өртті сөндіруге ТШО өрт сөндіру-авариялық құтқару қызметінің 17 қызметкері мен 4 техникасы, «COCR» ЖШС-нің 6 қызметкері мен 2 техникасы, Атырау облысы Төтенше жағдайлар Департаментінің 12 қызметкері мен 2 техникасы шықты.

«Атырау облысы ТЖД Қоғаммен байланыс тобы»