Атырау облыстық кітапханасы жаңа кітаптармен толықты

Бүгін Ғ.Сланов атындағы Атырау облыстық ғылыми әмбебап кітапханасының қоры жаңа туындылармен байыды. Белгілі автор, филология ғылымдарының кандидаты, доцент Алдажар Әбіловтың «Өнегелі өмір» және «Алдаспан» атты кітаптары кітапхана сөресінен орын алды.

Кітапхананың әдіскері Мөлдір Серікқалиеваның хабарлауынша, бұл еңбектерде белгілі заңгер Сәдуақас Қараманов пен оның жары Қатира Оспанованың өмір жолы мен қоғамға сіңірген еңбегі туралы естеліктер топтастырылған. Әсіресе, әділеттілік үшін күрескен азаматтың өнегелі өмір жолы мен тұлғалық қасиеттері кеңінен баяндалған.

Кітаптар көпшілік оқырманға арналып, оқырмандарға рухани азық әрі құнды мәліметтер ұсынуды мақсат етеді.

Алтыншаш ҚҰРМАШЕВА