Бұрымды қыздар конкурсының қатысушысы Сәлима Сабырғалиева

Atr.kz/26-ақпан, 2019 жыл. «Атырау» газеті жариялаған бұрымдылар байқауы жалғасуда.

Сәлима САБЫРҒАЛИЕВА, студент, (Жылыой ауданы)

*Мен 2001 жылы Жылыой ауданының Сарықамыс елді мекенінде дүниеге келдім. 2018 жылы Қаратон поселкесіндегі №23 орта мектепті аяқтап, Х.Досмұхамедов атындағы Атырау мемлекеттік университетінің І курс студенті атандым.

*Әжем Сағира Сәрсенбайқызы – зейнеткер.  Кішкентай кезімнен шаш өсіріп, бұрым қоюға баулыған да осы әжем. Сабаққа барарда шашымды өретін, балапан шаштарымды сумен түзеп, «қыз бала кекіл қимауы керек, шашын жайып жүрмеуі керек, бұрым қойып шашбау тағып жүрген сәнің» деп үнемі айтып отырады.  Қазір шашымның ұзындығы – 120 см.

*Бұрым – қыздың сәні. Қазіргі кезде ұзын шашымды жуып, күту, шатастырмай тарап өру, әрине, уақытты қажет етеді. Бірақ, әже ақылын бойыма сіңіріп өскендіктен бе, қысқартуға қолым бармайды.