Жылыой ауданында карантин 2 шілдеге дейін ұзартылды
Аtr.kz/18 маусым, 2020 жыл. Бұл туралы Жылыой ауданының бас мемлекеттік санитарлық дәрігері Талғат Хабибуллиннің қаулысында айтылған.
«Жылыой ауданында эпидемиологиялық жағдай толық тұрақтану үшін карантин режимі және шектеу шаралары 2020 жылдың 2 шілдесіне дейін ұзартылсын» делінген құжатта.
Сондай-ақ, 18 маусым сағат 07:00-ден бастап күшейтілген санитарлық-дезинфекциялық шараларға қатысты бірнеше уақытша шектеулер белгіленген. Оның ішінде жиналыстарды, кеңестерді, семинарларды, конференцияларды селекторлық режимде және бейнеконференцбайланыспен өткізу арқылы мемлекеттік органдар мен квазимемлекеттік сектор ұйымдары қызметкерлерінің 80%-ын қашықтан жұмыс жасау формасына ауыстыру да бар. Осы кезге дейінгі шектеулер талабы бұрынғыша сақтала береді. Бұған дейін Атырауда тағы екі адамның қайтыс болғанын хабарлап едік.
«ҚазАқпарат»
