Жылыой ауданында «Атырау-Ақпараттың» Кубогі үшін футболдан облыстық турнирге іріктеу басталды (ФОТО)
Елбасымыз Н.Ә.Назарбаевтың «Болашаққа бағдар: рухани жаңғыру» атты мақаласындағы басым бағыттарды насихаттау мақсатында «Атырау-Ақпарат» медиасеріктестігінің ұйымдастыруымен шағын футболдан облыстық турнирге Жылыой ауданында іріктеу кезеңі басталды.
Турнирдің ашылу салтанатында алдымен Қазақстан Республикасының Мемлекеттік Гимні шырқалды.
Шағын футбол турнирін тамашалау үшін аудан тұрғындары мен команда жанкүйерлері алаңға ерте жиналды. Аудандық дене шынықтыру және спорт бөлімінің басшысы Сансызбай Баймұратов пен аудандық «Кең Жылой»» газетінің бас редакторы Сәулеш Шәтеновалар сөз сөйлеп, қатысушыларға сәттілік тіледі.
Жасыл алаңға «Медина», «Геолог», «Қамыскөл», «Асылжан», «Ембі», «Қосшағыл» командалары шығып, ойынды бастап кетті.
Жеңімпаз команда облыстық турнирге жолдама алатын болады.
Перизат ҚИЗАТОВА.
