«Жолда қабылдау»: тұрғындардың өтініші қабылдануда

Атырауда 13 қыркүйек күні “Жолда қабылдау” республикалық акциясы Ақтөбе-Атырау-Астрахан республикалық маңызы бар тас жолының 576 шақырым тұсында өткізілді. Жергілікті полиция қызметі және Әкімшілік полиция қызметкерлері әртүрлі мәселелер бойынша келген тұрғындарға құқықтық кеңес беріп, ұсыныс-талаптарын тыңдады.

Айта кету керек, бұл акция халық пен полиция қызметкерлері арасында тығыз қарым-қатынас орнатуға және сенімділікті арттыруға бағытталған. Тәртіп сақшылары тұрғындарға, жол қозғалысына қатысушыларға заң аясында кеңес беріп, көлік жүргізушілері мен жаяу жүргіншілерге жол-көлік оқиғасының алдын алу және оны болдырмау мақсатында түсіндірме, профилакталық жұмыстарын жүргізіп, сұрақ қойған тұрғындармен кері байланыс орнатты.
Аталмыш шара 14 қыркүйекке дейін жалғасады.