![Зейнетақы мен жәрдемақы қаншаға өседі? 1 zeyneta yi](https://atr.kz/wp-content/uploads/2018/12/zeyneta--yi.png)
Зейнетақы мен жәрдемақы қаншаға өседі?
Аtr.kz/16 маусым, 2020 жыл. Әлемдегі болып жатырған пандемияға байланысты, Мемлекет басшысының 31-наурыздағы тапсырмасына сәйкес, зейнетақы мен барлық мемлекеттік жәрдемақылар 5%-ға өскен болатын.
Осы негізде ағымдағы жылдың 1-сәуірінде «2020-2022 жылдарға арналған республикалық бюджет туралы» Қазақстан Республикасының Заңына өзгерістер мен толықтырулар енгізілді. Осылайша 2020 жылдың 1-сәуірінен бастап жасына байланысты зейнетақы, базалық зейнетақы мен мемлекеттік жәрдемақылар 5%-ға арттырылды. Нәтижесінде, барлық зейнетақы мен мемлекеттік жәрдемақы алушыларға мамыр айында екі айға, яғни сәуір-мамыр айындағы айырмашылық қоса төленді. Ал, маусым айында алушыларға таза 5%-дық өсіммен төлемдері төленуде.
Осы айлардағы айырмашылықтарды жете түсінбеген зейнетақы, жәрдемақы алушылар «зейнетақыларымыз мен жәрдемақыларымыз неліктен азайып кетті?» деген сауалды жиі қоюда. Әлеуметтік қамсыздандыру орталығы – мамыр айында «екі айдың (сәуір-мамыр)», ал маусым айында тек «бір айдың» өсімін ғана алғандықтан, зейнетақы мен жәрдемақыларда айырмашылықтар туындап отырғанын ескертеді!
«Азаматтарға арналған үкімет» мемлекеттік корпорациясы КЕ АҚ Атырау облысы бойынша филиалы