Вакцинация: Атырауда бүгін 2 миллион теңгенің ұтысы ойнатылады
«Бүгін Атырауда КВИ-ға қарсы вакцинацияланғандар арасында ақшалай ұтыстың 4-ші кезеңі өтеді» деп хабарлайды Атырау облысы Өңірлік коммуникациялар қызметі.
Бұл кезеңде тамыз айының 1-і мен 10-ы аралығында екпе алғандар үшін 200 мың теңгелік 10 сертификат ойнатылады.
Ал, қыркүйекте осы айдың соңына дейін вакцинацияланғандар арасында тағы 3 миллион теңге көлемінде 2 сертификат ұтысқа түседі.
Айта кетейік, аталған ұтыс ойыны биылғы жылдың 30-шы маусымынан басталып, әр он күн сайын ұтыс иегерлері анықталып отыр.
Финалдық кезең қазан айында өтеді.
Бас жүлде – 10 миллион теңге!
Қомақты қаржы ұтысына 1-ші ақпан — 30 қыркүйек аралығында коронавирусқа қарсы вакцинаның 1 немесе 2 компонентін салдырған тұрғындар қатыса алады.
Айта кетейік, аталған ұтыс ойыны биылғы жылдың 30-шы маусымынан басталды. Осы уақытқа дейін, 32 ұтыс иегері анықталды. Оның екеуі 3 миллион теңгенің иегері.
