Теміржол билеттеріне қысқы жеңілдіктер жарияланды

Жаңа жыл қарсаңында «Қазақстан темір жолы» ҰК» АҚ жолаушыларға ерекше мүмкіндік ұсынады. Тек 31 желтоқсанда қатынайтын пойыздарға билеттер 25% жеңілдікпен сатылады. Бұл акцияның басты мақсаты — ел азаматтарының жаңажылдық мерекелерін жайлы әрі тиімді өткізуіне көмектесу.

«Қазақстан темір жолы» ҰК» АҚ баспасөз қызметі хабарлауынша, билеттер тек купе вагондарына қолданылады. Жеңілдікпен сатып алудың соңғы күні – 1 желтоқсан.

Жеңілдікті бағыттарға №26 «Шымкент–Алматы», №86 «Шымкент–Астана», №12 «Шымкент–Алматы-2», №77/78 «Алматы–Маңғыстау», №47 «Астана–Атырау», №691/692 «Атырау–Ақтөбе», №313 «Маңғыстау–Атырау», №605/606 «Балқаш–Қарағанды», №351/352 «Алматы-2–Өскемен-1», №34 «Ақтөбе–Алматы-1» пойыздары жатады.

Айта кету керек, жеңілдікті билеттерді www.bilet.railways.kz сайтынан немесе вокзалдардағы кассалардан сатып алуға болады. Қосымша ақпарат алу үшін 1433 тегін анықтама желісіне хабарласуға да болады.

Алтыншаш НӘСІПҚАЛИҚЫЗЫ

Сурет: railways.kz