«Таза Қазақстан»: Атырауда тазалық жұмыстары қарқынды жүріп жатыр

Кеше, 23 маусымда Атырау қаласында таңғы бригада жағалаудағы көгалдар мен саябақтарда шөп шабу және газондарды күтіп-баптау жұмыстарын жалғастырды. Осы күні учаске шеберлері мен жұмысшылар газонды қырқып, тырмалап, тыңайтқыштар сеуіп, триммермен өңдеу жұмыстарын жүргізді. Сонымен қатар шабылған шөп уақтылы шығарылды.

Күндізгі ауысымда бригада құрамында 8 адам мен арнайы техника қызмет етті. Ал кешкі уақытта «Отбасы» саябағында қолмен суару жұмыстарына 3 адам мен учаске шебері қатысты. Түнгі мезгілде газондарды суару үшін 8 су таситын машина жұмылдырылды.

Қаланың көрікті әрі таза келбетін сақтау мақсатында қолға алынған бұл жұмыстар алдағы күндері де жалғасады.