![Тəртіп сақшылары бағаны заңсыз көтерген дәріханаларды анықтады 1 fb img 1594568150327](https://atr.kz/wp-content/uploads/2020/07/fb_img_1594568150327.jpg)
Тəртіп сақшылары бағаны заңсыз көтерген дәріханаларды анықтады
Атырау облысының аумағында дәрілік препараттардың бағасын негізсіз көтеретін заңды және жеке тұлғаларды анықтау мақсатында профилактикалық рейдтік іс-шаралар жалғасуда.
Өткен демалыс күндері Атырау қаласында дәрі-дәрмектерді жоғары бағамен сатқан бес дәріхана анықталды.
Сонымен қатар, полицейлер дәрі-дәрмек пен медициналық құралдарды заңсыз сату фактілерін де анықтады.
Қаладағы
Баймұханов, Тайманов, Жарбосынов, Сатыбалдиев көшелеріндегі және Жұмыскер селосындағы дәріханаларда
бағасы 4240,87 теңгеден 5640,36 теңгеге дейін тұратын Ингавиринді
6000-7000 теңгеден, бағасы 583 теңге Новиган НЕО препаратын 710 теңгеден, бағасы 342,68 теңге новокаин 500теңгеден сатылған.
18 және 19 шілде күндері жедел іс-шаралар барысында
облыс орталығының бес дәріханасында фармацевтер дәрі-дәрмектерді жоғары бағамен сатқаны анықталды.
«Шілде айының 20 күні ішінде полиция департаментінің қызметкерлері осындай 20-дан астам деректерді анықтады, деп хабарлады облыстық ПД бастығы, полиция полковнигі Қамза Үмбетқалиев.
- Бұдан басқа, Атырау полицейлері дәрі-дәрмектер мен медициналық құралдарды заңсыз сатудың жеті фактісін анықтады.
Барлық анықталған деректер бойынша жинақталған құжаттар Атырау облысы тауарлар мен көрсетілетін қызметтердің сапасы мен қауіпсіздігін бақылау департаментіне жолданды.
Майра ОРАЗҒАЛИЕВА