Синоптиктер қолайсыз ауа райына байланысты ескерту жасады

«Қазгидромет» РМК синоптиктері бүгін, 13 тамызда елдің 18 өңірінде қолайсыз ауа райы болатынын айтып, ескерту жасады.

Zakon.kz ақпараттық ресурсындағы мәліметке сүйенсек, Атырау облысының оңтүстігінде, шығысында кей уақыттарда қатты жаңбыр, найзағай, дауыл күтіледі. Батыстан, солтүстік-батыстан жел соғады, түнде облыстың оңтүстігінде, шығысында, күндіз облыстың басым бөлігінде екпіні 15-20 м/с. Жоғары өрт қауіпі бар, облыстың оңтүстік-батысында, оңтүстігінде төтенше өрт қауіпі сақталады.