«Шаңырақ» үйінде қайырымдылық акциясы өтті

«Балаларға қуаныш сыйла!» тақырыбында «Шаңырақ» отбасы үлгісіндегі балалар ауылы және жасөспірімдер үйінде қайырымдылық шарасы өтті.

Құрбан айт мерекесінің құрметіне орай ұйымдастырылған шарада тәрбиеленушілер арасында түрлі ойындардан жарыстар өткізіліп, балалар өз өнерлерін ортаға салды. Шара соңында түрлі тәтті тағамдар мен сыйлықтар тарту етілді. Сондай-ақ, балалар арнайы құрылған атракциондарда ойнап, мәз-мейрам болды.

«Біздің мақсатымыз балаларды өзара қамқорлыққа, ізгілікке үндеу. Сол арқылы, жамағатқа ой салу», — дейді шараны ұйымдастырушылар.

Айта кетелік, шараны «Шапағат» деструктивтік діни ағымдардан жапа шеккендерге көмек көрсету орталығы мен Атырау селолық мұсылмандар мешіті бірлесіп өткізді.

Баян Атайманқызы