Құрманғазылық 87 оқушы «ЭКСПО-2017» көрмесін тамашалаған (ФОТО)

Құрманғазы ауданындағы М. Әуезов атындағы орта мектепте «Мен өз елiмнiң патриотымын!» атты алғашқы қоңырау салтанаты өттi.

Биылғы 2017-2018 оқу жылында бұл бiлiм ордасының табалдырғынан 642 оқушы аттағалы отыр. Одан басқа 3 мектепалды дайындық сыныбына 57 тәрбиеленушi, екi шағын орталыққа 32 бүлдiршiн қабылданды. Мектептің 87 оқушысы жазғы каникулда «ЭКСПО-2017» көрмесін тамашалап қайтты. Салтанатты шарада мектеп директоры Марат Ғилаев, аудандық бiлiм беру қызметкерлерi кәсiподағы ұйымының төрағасы Әуез Iзжанов құттықтау сөз сөйлеп, бiр топ ұстаздар мен оқушыларға түрлi марапаттар табыс еттi.

Осындай салтанатты шара ауданның өзге мектептерінде де ұйымдастырылды.

Қанат ҒҰМАРОВ,

Құрманғазы ауданы