Ресей аймақтарында су тасқыны басталды

Ресейдегі қысқы су тасқыны рекордтық көрсеткішке жетіп, өзендер әдеттегіден үш ай бұрын арнасынан асып жатыр. Орынбор облысындағы Жайық өзенінің су деңгейі бір тәулікте 13 см-ге көтерілді. Билік 2025 жылдың басында су деңгейінің күрт көтерілуіне жол бермеу үшін Ириклин су торабы арқылы суды ағызып жатыр.

Жағдай күрделенуде — су тасқыны трансшекаралық өзендердің деңгейіне әсер етуі мүмкін. Қазақстан да ықтимал салдарға дайындық жүргізіп жатыр: Су ресурстары министрі ақпан айының басында су тасқынына қатысты болжам жасайтынын мәлімдеді, ал елдегі су қоймалары қазірден бастап дайындыққа кірісті.

Б.АЙДАРӘЛИ