Құрманғазы ауданында 15 спорт алаңы салынып жатыр
Құрманғазы ауданындағы Сүйіндік, Жалғызапан, Балқұдық, Азғыр, Қоңыртерек, Асан, Ұштаған, Кадырка, РТС, Жапырық, Алға, Дәулеткерей, Нұржау, Орлы және Шестой елдімекендерінде спорт алаңдарының құрылысы жүргізіліп жатыр, — деп хабарлайды Өңірлік коммуникациялар қызметі.
Мұнда мини-футбол, біріктірілген баскетбол және волейбол, дене шынықтыруға арналған жаттығу құралдары бар алаң мен балалардың ойын алаңқайы қарастырылған.
–Қазір сегіз спорт алаңының құрылысы аяқталып, қалған жетеуінікі жүріп жатыр. Мердігер мекеме — «Номад Құрылыс Компаниясы» ЖШС. Бұл жұмыстар жылдың аяғына дейін толықтай бітіп, халық игілігіне беріледі деп жоспарланып отыр, — деді Құрманғазы аудандық құрылыс бөлімінің бас маманы Мұратбек Мұхитов.
Айта кетейік, Приморье, Дәулет, Хиуаз, Күйген, Жыланды, Г.Алипов, Балықшы, Жаңа ауыл, Шортанбай, Жасталап, Киғаш, Д.Нұрпейісова, Бірлік, Сафон және Бөкейхан ауылдық округтеріндегі спорт алаңдарының құрылысына жобалау-сметалық құжаттама жасақталды. Жұмыстар қаражат бөлінгеннен кейін басталмақ.
