Қазақстанда қант қымбаттады

2023 жылғы ақпанда жылдық мәнде инфляция деңгейі 21,3%-ды құрады. 

Ұлттық статистика бюросының мәліметінше, бір жыл ішінде азық-түлік тауарларының бағасы 26,2%, азық-түлікке жатпайтын тауарлар 20,5%, ақылы қызметтер құны 15%-ға өсті.

2022 жылғы ақпанмен салыстырғанда пияз – 105%, кір сабын – 90,3%, кеңсе тауарлары – 71,8%, қияр – 56,8%,  балалар сабыны – 56,3%-дан, қант – 55%, консервіленген сүт – 49,1%, күріш – 44,9%, макарон өнімдері – 41,1%, ұн 40,2%-ға қымбаттаған.

Жылдық мәнде, керісінше, ақбас орамжапырақ 30,1%-ға арзандады.