Қазақстанда бірыңғай уақыт белдеуіне қарсы петиция жарияланды

Республика Сауда және интеграция министрінің міндетін атқарушы Қайрат Төребаевтың сөзінше, егер де бұл петиция 50 мыңнан астам дауыс жинайтын болса, Үкімет оны қарастыруы мүмкін.

-Регламентке сәйкес біз ең алдымен петицияның нәтижесін күтуіміз қажет. Одан кейін мұны жұмысқа аламыз. Бүгінде бұл туралы айту ерте. Қазір министерліктің осыған қатысты ұстанымын айтуға болмайды. Әзірге басқа мемлекеттік органдармен бірлесіп қабылданған ресми позицияны ұстанып отырмыз. Бұл мәселеге петиция аяқталған соң ораламыз, білуімше, ол заңды түрде биыл желтоқсанына дейін аяқталуы тиіс, — дейді спикер ашық дереккөздердегі ақпаратта.