Қазақстанда атом электр станцияларын салуға балама жоқ

Қазақстан Республикасы «Атырау облысының Азаматтық альянсы» заңды тұлғалардың бірлестігі 6 қазанда өтетін референдум аясында жастарға ақпараттық-түсіндіру жұмыстарын жүргізіп, С.Өтебаев атындағы Атырау мұнай және газ университетінде студенттермен кездесу өткізді.

Аталған оқу орнының индустриалды технология факультеті, “Өнеркәсіптік энергетика “ білім бағдарламасының профессор-оқытушылары да белсене қолға алған жиынға ІІІ-ІV курс студенттері қатысты.

Дәріс жүргізу барысында т.ғ.к., профессор Владимир Яшков «Қазақстанда атом электр станцияларын салуға балама ЖОҚ» тақырыбы бойынша бірқатар мәлімет берді. Аталған іс-шараға студенттер белсенділік танытып, АЭС туралы көкейде жүрген сауалдарына тұшымды жауап алды.