Полиция – жаңа қоныста

Бүгінде полиция құрылымдары жаңа қонысқа көшіп жатыр. Нұрсая мөлтекауданындағы еңселі ғимаратқа құрылымның бірнеше қызметі орналасуда. Олар бұрын қаланың әр бөлігінде орын тепкен болатын.

Бүгінде халыққа жоғары дәрежеде қызмет көрсету басты міндет болып тұр. Жаңадан салынған орынға кейбір қызмет түрлерін көшіру осы мақсаттан туған. Облыстық ішкі істер департаменті баспасөз қызметінің берген мәліметіне қарағанда, Нұрсаядағы полицияның әкімшілік ғимаратына ІІД көші-қон полициясы, ІІД ақпараттық-сараптама орталығы мен әкімшілік полиция басқармасы қоныс аударуда. Соңғы аталған басқарманың құзырындағы тіркеу-емтихан бөлімі де солардың қатарында.

Азамат Базарбаев