Атырау облыстық аумақтық сайлау комиссиясы берген мәліметтерге сүйенсек, әкімдіктер бекітілген заңдылықтар аясында, актіге сәйкес барлық учаскелік сайлау комиссияларына сайлаушылар тізімдерін тапсырды.
– Облыс бойынша сайлаушылар саны 409 949 адамды құрады. Оның ішінде өзге өңірлерден келген 12 956 сайлаушы өз өтініштеріне сәйкес тізімге енгізілген, – деп түсіндірді облыстық аумақтық сайлау комиссиясының төрағасы Азамат Айманакумов.
Ол сондай-ақ 165 сайлау учаскесінде азаматтардың тұрғылықты жері бойынша тіркелуін тексеру қызметі көрсетілетінін атады. Бұған қоса, облыс орталығындағы 5 сайлау учаскесінде тіркелмеген азаматтарды дауыс беру күні тіркеу қызметі жүзеге асады.
Надежда ШИЛЬМАН
