Миялыда 60 пәтерлік үй салынып, Мұқыр ауылында 424 орындық мектеп пайдалануға беріледі

Бұл туралы бүгін Атырау облысы әкімінің бірінші орынбасары Серік Айдарбеков өткен жылда атқарылған жұмыстар туралы баяндаған Қызылқоға ауданы әкімі Нұрсұлтан Бисембиевтің есебінде айтты деп хабарлайды Atr.kz

Қазіргі таңда Мұқыр ауылындағы мектептің құрылысы қарқынды жүріп жатыр.

«Сонымен қатар, Тасшағыл ауылындағы 300 орындық мәдениет үйінің құрылысы жоспар бойынша биыл пайдалануға беріледі. Және  Миялы ауылында 60 пәтерлік  тұрғын үйдің құрылысын бастау жоспарда тұр. Ондағы мақсат — аудан тұрғындарын жайлы баспанамен қамтамасыз ету» дейді  Атырау облысы әкімінің бірінші орынбасары Серік Айдарбеков.

Баян ЖАНҰЗАҚОВА