Мектепке жетіспейді ер мінезі…

Бұл мәселе Қазақстан Республикасы Президентiнiң жанындағы Әйелдер істері және отбасылық-демографиялық саясат жөнiндегi ұлттық комиссия төрағасы Ләззат Рамазанованың Атырауда комиссия мүшелерімен кездескен сәтінде көтерілді.

Кездесуде қоғамдағы түрлі түйткілдер, отбасы, бала құқығы, қаржылық сауаттылық және басқа да мәселелер қозғалып, комиссия мүшелері тарапынан ұсыныстар айтылды.

• Қоғамда және отбасында әкелердің рөлі мен жауапкершілігін арттыру мақсатында жұмыстар жүзеге асырылуда. Алайда, елімізде балаға әке тәрбиесі жетіспеуде.
  Сонымен қатар , өңірімізде ер мұғалімдер санын арттыруға жұмыстануымыз қажет. Ер мұғалімдер тәрбиесін әке теңестіріп, балалардың мінез-құлықтарының қалыптасуына оң ықпал береді. Сондықтан ер балаларды осы мамандыққа баулу ісін жоғары деңгейде қолға алу керек деп есептеймін, — деді Атырау облысы әкелер кеңесінің төрағасы Нұржан Ермұханов.