Мақат жастары наурыз тойын тойлады

eb0d06b2 f5e5 4f22 b2ad ab6ff99e6cfe Жаңалықтар

Шуақты көктемнің шырайлы мерекесі Әз наурыз табалдырықтан аттап, төрге озды. Ұлтымыздың ұлық мейрамын Мақат жастары да думандатты. Аудандық жастар ресурстық орталығында «Қош келдің әз-Наурыз» атты мерекелік шара өтті.

Орталықты қазақы нақышта көркемдеген жастар көне бұйымдар мен қолөнер туындыларынан көрме ұйымдастырды. Мерекелік шараға ауылдың ақсақалдары мен ақ жаулықты аналары шақырылып, қазақтың ұлттық құндылықтары өз жалғасын тапты. Үлкендер бесікке салу және тұсау кесу секілді салт-дәстүрлерді орындаса, өнер ұжымдарының өнерпаздары өнер көрсетті. Сондай-ақ, көпшілікке наурыз көже, бауырсақ секілді ұлттық тағамдар ұсынылды.

da716cae c987 4c1f 9624 07d7b766a5e6

Шара барасында жастар арасында арқан тарту, асық ату, қол күресі секілді ұлттық ойындардан жарыс та ұйымдастырылып, жеңімпаздар мен жүлдегерлерге алғыс хаттар мен сыйлықтар табысталды.

М.Ізтұрғанова

Баға берсеңіз
Атырау газеті
Пікір қалдырыңыз