Махамбетте жаңа қызметтік көліктер табысталды

Бүгін Махамбет ауданында маңызды әрі қуанышты оқиға орын алды. Аудан тұрғындарының игілігі үшін еңбек етіп отырған мекемелерге жаңа қызметтік көліктер табысталды. «Махамбет-Су» мекемесі мен Ақтоғай ауылдық округі әкімдігі аппараты жаңа автокөліктермен қамтамасыз етілді.

Салтанатты іс-шараға аудан әкімі Қайрат Нұрлыбаев арнайы қатысып, құттықтау сөз сөйледі. Ол жаңа техникалардың жергілікті халыққа сапалы қызмет көрсету ісінде маңыздылығын атап өтті.

– Әрбір жасалған игі іс – ауданның дамуына, халықтың тұрмыс сапасының артуына бағытталған. Жаңа көліктер халық игілігіне қызмет етеді деп сенемін. Қуанышымыз көп болсын! – деді Қ.Нұрлыбаев.

Бұл жаңалық жергілікті инфрақұрылымды жаңарту, қызмет сапасын арттыру және тұрғындарға қолайлы жағдай жасауға зор үлес қосады деп күтілуде.

Алтыншаш ҚҰРМАШЕВА