Махамбетте 9 елді мекеннің бөгеті осал

Махамбет ауданы бойынша елді мекендерде судан қорғану бөгеттерінің жалпы ұзындығы – 80 шақырым.
Жайық өзені бойында орналасқан 17 елді мекеннің ішінде 9 қорғану бөгеті осал.

Облыс әкімінің орынбасары Жасұлан Бисембиевтің айтуынша, Талдыкөл, Бейбарыс, Алға, Махамбет, Сарытоғай, Ескі Сарайшық, Еңбекшіл, Есбол және Ортақшыл ауылдары тұсындағы бөгеттер әлсіз. Сондықтан тасқыннан қорғану үшін 56 мың дана қапшыққа топырақ қапталып, өзен жағалауы бекітілді. Бұл жұмыстарға барлығы 95 техника, 142 қызметкер, 1300 ерікті жұмылдырылды.